१९ फागुन २०७९ प्यूठाननेकपा एमालेका स्थायि कमिटी सदस्य डा. राजन भटराईले मुलुकको व्यवस्था र अर्थतन्त्र संकटतर्फ उन्मुख भएको वताएका छन् । मुलुकको अवस्था अप्ठ्यारोमा पारेर स्वार्थकेन्द्रित गठवन्धन गरेर एमालेलाई एक्ल्याउन खोजिएपनि नेकपा एमाले भविश्यमा पुनः ५१ प्रतिशत जनमत सहित सत्तामा पुग्ने उनको दावि छ ।
नेकपा एमालेले देशव्यापि रुपमा सञ्चालन गरेको कार्यक्रम मिसन ग्रासरुटको अनुगमनको क्रममा प्यूठानमा रहेका नेता भटराईले पुष १० पछी मुलुकलाई दिर्घकालिन हिसावले सहि वाटोमा लैजानका लागि नयाँ गठवन्धनको थालनि गरिएपनि छोटो समयमा वेईमानि गरिएको भटराईले वताए ।
“हामिले अवको अवस्थामा प्रतिपक्षीको भुमिका निर्वाह गर्नेछौ । देशको विषयमा, जनहित, शुसासनको प्रत्याभुती, सुशासनका विषयमा सडक र सदनवाट हामिले आवाज उठाउनेछौँ” डा. भटराईले सञ्चारकर्मीका जिज्ञासाको जवाफ दिदै भने – “हामि टोल टोलमा पुगेर घर घरमा पुगेर नेकपा एमाले के गर्न खोजेको थियो, किन दिईएको छैन, के भईरहेको छ भन्ने विषयमा जनताको विषयमा जनताकै विचमा पुगेर स्पस्ट पाछौँ । नेकपा एमालेकाे नेतृत्वविना मुलुकको समस्या र अर्थतन्त्रको अवस्था समाधान हुदैन भन्ने स्पस्ट पार्छौ ।”
प्रेस चौतारी प्यूठानको आयोजनामा भएको पत्रकार भेटघाटमा नेकपा एमाले पोलिटव्यूरो सदस्य एवं प्यूठान जिल्लावाट निर्वाचित प्रतिनिधिसभा सदस्य सूर्य थापा, नेकपा एमाले केन्द्रिय सदस्य गिरिधारीलाल न्यौपाने, घनश्याम पाण्डे, ईश्वरी घर्ती लगायतको उपस्थिती रहेको थियो ।
नेकपा एमालेले २ महिने मिसन ग्रासरुट अभियान सञ्चालन गरिरहेको छ । प्यूठान जिल्लामा मिसन ग्रासरुटका लागि कमाण्ड गर्न केन्द्रवाट ३ जना प्रतिनिधीहरु खटिएका छन् । नेकपा एमाले केन्द्रिय सदस्य गिरिधारीलाल न्यौपाने, घनश्याम पाण्डे, ईश्वरी घर्ती प्यूठान जिल्लामा खटिएका छन् ।
