फुटपाथको व्यापारले व्यवसायीहरु मर्कामा परेका छन् । मासिक १०देखी १५ हजार भाडा र नगरपालिकालाई कर तिर्दै आइरहेका व्यवसायीहरु फुटपाथका व्यापारीले पसल अगाडी आएर व्यापार गर्दा मर्कामा परेको व्यवसायीहरुको गुनासो छ ।
विजुवारमा फलफुल तथा तरकारी व्यवसाय गर्दै आइरहेकी साबित्रा केसीले भनिन् “फुटपाथका व्यापारीले पसल अगाडी आएर व्यापार गर्दा हामीलाई समस्या भएको छ ।” हामीले मासिक १५ हजार भाडा तिरेर व्यापार गरिरहेका छौ तर उनीहरुले सित्तैमा व्यापार गरिरहेका छन् । उनीहरुले भाडा तथा व्यवसाय दर्ता नगरी व्यापार गर्दा सस्तोमा दिने भएकाले ग्राहकहरुले उतैबाट सामान खरिद गर्छन् । बिहानदेखी साझ, राती सम्म वस्दा पनि हामीलाई भाडा तिर्नै पुग्दैन् । उनले भनिन्, “फुटपाथका व्यापारीलाई हटाउने विषयमा फलफुल तथा तरकारी व्यवसायी समितीसँग पटक पटक छलफल भएता पनि यहाँका स्थानीयले व्यापार गर्न दिनुपर्छ भन्दै प्रोत्साहन गरिरहेका छन् ।”
उता प्यूठान नगरपालिकाले यो विषयमा तत्काल किसानहरुलाई हटाइहाल्नपर्ने स्थिती नभएको भन्दै पन्छिन खोजेको छ । दर्ता नगरी सञ्चालनमा रहेका व्यापार व्यवसायहरु तत्काल दर्ता गरी सञ्चालन गर्न पहल गर्ने नगर प्रमुख विष्णु बहादुर योगीले बताए । उनले भने, “यो विषयमा तत्काल कुनै योजना छैन तर व्यवस्थापन गर्नुपर्छ भन्नेमा हामी सोचिरहेका छौँ ।”