प्यूठान नगरपालिका वडा नं. ३ ले रक्तदान कार्यक्रम सम्पन्न गरेको छ ।

“सुरक्षित रक्तदान गरी अरूको जीवन बचाऔँ” भन्ने नाराका साथ आयोजित रक्तदान कार्यक्रममा १९ जनाले रगत दान गरेका छन् । ‘३० औँ जनयुद्ध दिवस’ को अवसरमा वडा कार्यालयको आयोजना, नेपाल स्वयंसेवी रक्तदाता समाज प्यूठान र नेपाल रेडक्रस सोसाइटी बिजयनगर उपशाखाको सहकार्यमा कार्यक्रम गरिएको  वडा अध्यक्ष सुमनराज श्रेष्ठले बताए ।

कार्यक्रममा प्यूठान नगरपालिकाका प्रवक्ता एवं वडा अध्यक्ष श्रेष्ठको अध्यक्षतामा  र प्यूठान नगरपालिकाका नगर प्रमुख विष्णु बहादुर योगीको प्रमुख आतिथ्यता रहेको थियो ।