नौबहिनी गाउँपालिकाले मुख्य बजार क्षेत्र बहानेमा बाटो स्तरोन्नती गर्ने भएको छ ।

आज गाउँपालिका अध्यक्ष डिल बहादुर थापाले एक कार्यक्रमका विच वाटो स्तरोन्नती गर्न आरसिसि कार्यको शिलन्यास गरेका हुन् ।

प्रदेश सरकारबाट विनियोजित एक करोड समपुरक बजेट बाट उक्त काम सुरु गर्न लागिएको नौबहिनी गाउँपालिका प्रमुख प्रशासकीय अधिकृत शिवराज पौडेलले जानकारी दिए ।

लागत रकम एक करोड भएपनि टेण्डरमार्फत ६० लाख ९९ हजारमा काम सुरु भएको अधिकृत पौडेलले बताए। बाकी रहेको ३९ लाख एक हजारको कार्यको लागि फेरी टेन्डर खोलिने उनले जनाए ।

२०८० असार सम्ममा काम सक्ने गरि काजी  एण्ड ब्रोदर्श विल्डर्स कम्पनीले उक्त कामको ठेक्का जिम्मा पाएको छ ।
चार मिटर चौडाइ हुने गरि बहाने बजार क्षेत्रभित्रको बाटोमा आरसिसि ढलान कार्य हुने भएको हो ।

त्यस क्षेत्रको बाटो स्तरोन्नती नहुँदा त्यहाका स्थानीयले बर्षाको समयमा हिलाम्मे र हिउँदको समयमा धुलाम्मेको सास्ती खेप्नु परेको थियो ।
अहिले बाटो स्तरोन्नती हुने भएपछि त्यहाँका स्थानीय खुसी भएका छन् ।