सरुमारानी गाउँपालिकाले चालु आर्थिक बर्ष २०७९/०८० को खाता बन्द तथा वित्तीय प्रगति प्रतिवेदन सार्वजनिक गरेको छ । गाउँपालिकाले असार २४ गते आइतबार चालु आर्थिक बर्ष २०७९/०८० को खाता बन्द तथा वित्तीय प्रगति सार्वजनिक गरेको हो । पालिकाले सार्वजनिक गरेको प्रतिवेदन अनुसार चालु आर्थिक बर्षमा पालिकाले ८० प्रतिशत भन्दा बढि खर्च गरेको छ ।

चालु खर्च तर्फ पालिकाले ३२ करोड ३१ लाख ४८ हजार ६ सय १७ र पुँजीगत १९ करोड ५५ लाख ४० हजार तीन सय ५० गरि कुल विनियोजन बजेट ५१ करोड ८६ लाख ८८ हजार ९ सय ६७ रुपैयाँ आर्थिक बर्ष २०७९/०८० लागि बजेट ल्याएको थियो । जसमध्ये चालु खर्च ८२.७७ र पुँजीगत तर्फ ८८.१० प्रतिशत गरि कुल खर्च प्रतिशत ८४.७८ रुपैयाँ खर्च गरेको छ ।