जिल्लामा अब ३ वर्षे एच.ए र ल्याव टेक्निसियन कार्यक्रम सन्चालन हुने भएको छ । प्राविधिक शिक्षा तथा व्यावसायिक तालीम परिषद्(सि टी ई भि टी) बाट मान्यता प्राप्त प्युठानको पहिलो फोर्टिनाईन मल्टिटेक्निकल ईन्स्टिच्युट प्रा. लि बिजुवारमा यस वर्षदेखि ३ वर्षे हेल्थ असिस्टेन्ट एचए र ल्याव टेक्निसियन कार्यक्रम सन्चालन हुने भएको ईन्स्टिच्युटका अध्यक्ष खिमप्रसाद पार्धेले जानकारी दिए ।

विगत लामो समयदेखि प्यूठान जिल्लामा स्वास्थ्य सम्बन्धि पन्ध्र महिने सि.एम.ए र ल्याव टेक्निसियन अध्यापन गराउँदै आएको ईन्स्टिच्युटले यस बर्षदेखि ३ वर्षे एच.ए र ल्याव टेक्निसियन कार्यक्रम सञ्चालन गर्न लागेको हो । ३ वर्षे एच.ए तर्फ पहिलो बर्ष ४० जना विद्यार्थी र ल्याव टेक्निसियनतर्फ ३० जना विद्यार्थीलाई अध्यापन गराईने भएको छ ।

जिल्ला मै स्वास्थ्य सम्बन्धि  डिप्लोमा कोर्स पढाई हुने भएपछि आर्थिक समस्याले बाहिर गएर पढ्न नसक्ने विद्यार्थीहरुलाई सहज हुने भएको छ । यसको लागि ईन्स्टिच्युटले विद्यार्थी भर्नाको लागि फारम भर्न सुरु गरिसकेको जनाएको छ।