नेपाल शिक्षक महासंघ राष्ट्रिय समितिको आयोजनामा आज देशभर ७७ वटै जिल्लामा शिक्षा विकास तथा समन्वय ईकाइमा धर्ना कार्यक्रम गरेको छ । मंगलरबार दोस्रो चरणको कार्यक्रमलाई पनि अगाडी सारेको हो ।

आन्दोलनका कार्यक्रमलाई तिव्रता दिएपछि पछिल्लो समय शिक्षा ऐनमा आएको समस्या सच्याउन संशोधन समिति बनाएको भए पनि त्यसमा आफुहरुलाई पूर्ण विश्वास नलागेको भन्दै आन्दोलनका कार्यक्रम गरिएको नेपाल शिक्षक महासंघका केन्द्रिय सदस्य चक्रपाणी पौडेलले जानकारी दिए । उनका अनुसार आज मंगलबार शिक्षा विकास तथा समन्वय इकाई प्यूठानमा धर्ना समापन पछि निमित्त कार्यालय प्रमुखलाई ज्ञापनपत्र बुझाईएको छ ।

शिक्षकहरुका लागि यो ऐन आएमा शिक्षकहरु निरुत्साहित हुने, ट्रेड यूनियन अधिकार हनन हुने भन्दै आन्दोलनमा उत्रिएको केन्द्रिय सदस्य पौडेलले बताए । त्यस्तै शिक्षा विद्येयक सदनमा पेश भएमा त्यसको पाँचौ दिनपछि देशभरका शिक्षकहरु काठमाडौंमा पुगि दबाव मुलक कार्यक्रम गर्ने भएको छ ।