News Portal

रेडियो सुन्नुहोस्

चेरनेटा–बाग्दुला सडक विस्तारको फेरि चर्चा

झुलेनी नेटवर्क २०८० भदौ ३
७७ पटक
२०८० भदौ ३

भालुबाङ–प्यूठान सडक अन्तर्गतको चेरनेटा बाग्दुला सारीबाङ क्षेत्रको सडक विस्तार गर्ने बिषयमा प्यूठान नगरपालिकाले आईतबार बिहान सरोकारवाला निकायसंग एक कार्यक्रमको आयोजना गरेको छ ।

सडक फराकिलो बनाउने विषयमा सल्लाह सुझाव तथा परामर्शको लागि कार्यक्रमको आयोजना गरिएको प्यूठान नगरपालिकाका मेयर विष्णु योगीले बताए । प्यूठान नगरपालिका ४ नयाँबजार स्थित होटल आयुष्मामा राखिएको कार्यक्रममा नेपाल सरकार सञ्चार तथा सूचना प्रविधि मन्त्री रेखा शर्मा,प्यूठान जिल्लाका प्रदेश सांसदहरु तुल्सीराम शर्मा, निमा गिरी, धनलक्ष्मी श्रेष्ठ, पूर्व सांसद कृष्णध्वज खड्का, जिल्ला समन्वय समिति प्यूठानका प्रमुख धर्मबहादुर जी.सी, स्थानीय तहका प्रमुख, उपप्रमुख, जिल्ला स्थित क्रियाशिल राजनिति दलका प्रमुख तथा प्रतिनिधि, सरकारी कार्यालयका प्रमुख, विभिन्न सामाजिक संघ संस्थाका प्रमुख तथा प्रतिनिधि लगायत सरोकारवाला निकायको सहभागिता थियो ।

कार्यक्रममा सहभागि धेरैले सबै पक्षलाई सहमतीमा लिएर सडक फराकिलो बनाउनु पर्ने राय राखेका थिए । केहि सहभागिले साविककै सडक विस्तार गर्दा करोडांैको भौतिक संरचना नोक्सान हुने भएकाले सडकको विकल्प खोजिनु पर्ने राय राखे । सडक साँघुरो भएकाले विस्तार कसरी गर्न सकिन्छ ? विकल्पहरु के हुन सक्छन् ? भन्ने आवश्यक राय सुझाबको लागि कार्यक्रमको आयोजना गरिएको प्यूठान नगरपालिकाका उपमेयर देवेन्द्र बर्माले बताए ।

यस सडक खण्डमा सडक साघुँरो हुँदा गाडी आवतजावत (पासीङ) गर्न निकै समस्या छ । अप्ठ्यारो र साघुँरो सडकमा धेरै गाडीहरु चल्दा छिन/छिनमै गाडी भेटिनाले दुर्घटनाको जोखिम समेत धेरै छ । २०४४ सालमा खोलिएको सडक फराकिलो बनाउने ठोस योजना अहिलेसम्म कार्यान्वयन भएको छैन । २०६५/०६६ सालमा वटासिल कालोपत्रे समेत साघुँरो सडकमै भएको थियो । त्यसपछि २०७० सालमा यो सडक फराकीलो गराउने व्यापक बहस भएको थियो । त्यो बेला पनि कार्यान्वयन हुन सकेन । जिल्ला सडक ऐन २०३१ ले व्यवस्था गरेको जिल्ला सडकको सेन्टर प्वाइटबाट दायाँ/बायाँ १५ मिटर कायम अहिलेसम्म भएको छैन् । सडकको लगतकत्ता समेत छैन । बिजुवार–बाग्दुला क्षेत्रमा त झन सडक क्षेत्र भित्रै घरहरु निर्माण भएका छन् । सडकमै निर्माण सामग्री राखिएको र सडक क्षेत्रमै टहरा निर्माण गरेर स्थानीय व्यापारीले व्यापार गर्दा झन साघुँरो हुँदै गएको छ । यसमा नगरपालिकाले हटाउन कुनै पहल लिएको छैन । बिजुवार मित्रमणी चोकदेखि प्रहरी चौकीसम्म दिनहँु सवारी जाम हुने गर्दछ ।

प्रतिकृया दिनुहोस्

नेपाल विद्यार्थी संघ प्युठानले नगरपालिकालाइ ज्ञापनपत्र बुझायो

नेपाल विद्यार्थी संघ प्युठानले प्युठान नगरपालिकालाइ आइतबार ज्ञापन पत्र बुजाएको छ । नगरपालिका भित्रका विद्यालय...

प्यूठान अस्पतालको बाटो मर्मतका लागि अनुगमन

प्यूठान अस्पतालको सडक मर्मतको लागि अनुगमन गरिएको छ । आइतबार सडक पूर्वाधार विकास कार्यालय प्यूठानका...

कालिका भगवती र भैरव मन्दिर परिसरमा सरसफाइ

४४ औं सामाजिक सेवा दिवसको अवसर पारी विजुवार बजार स्थित कालिका भगवती र भैरव मन्दिर...

झुलेनी पोष्ट अनलाईनका सम्पादक भण्डारी पुरस्कृत

झुलेनी यूनाईटेड नेटवर्क प्रा.लिद्वारा सञ्चालित झुलेनी पोष्ट अनलाईनका सम्पादक हरि प्रसाद भण्डारी पुरस्कृत भएका छन्...

सरकार र शिक्षकहरूबीच सहमति भएपछि आन्दोलनका कार्यक्रम फिर्ता

काठामाडौं, सरकार र आन्दोलनरत शिक्षकबीच सहमति भएको छ । गृह मन्त्रालयमा आज शुक्रवार बसेको बैठकमा...