संविधान दिबसको अबसरमा प्यूठान अस्पतालका बिरामीलाई फलफुल बितरण गरिएको छ ।

बिहिबार जिल्ला समन्वय समिति प्यूठान , जिल्ला प्रशासन कार्यालय प्यूठान र प्यूठान नगरपालिकाले संयुक्त रुपमा प्युठान अस्पतालमा उपचाररत बिरामीहरुलाई फलफुल बितरण गरेका हुन् । कार्यक्रममा प्यूठान अस्पतालका निमित्त मेडिकल सुपरिटेन्डेन्ट अर्थोपेडिक सर्जन डाक्टर राजेन्द्र पौडेलले अस्पतालको वर्तमान अवस्थाका बिषयमा ध्यानाकर्षण गराएका छन ।

प्यूठान जिल्लाका प्रमुख जिल्ला अधिकारी मदन कोइराला र जिल्ला समन्वय समिति प्यूठानका प्रमुख धरम बहादुर जि.सी लगायतलाई डाक्टर पौडेलले अस्पतालको भौतिक संरचनाबारे जानकारी गराउँदै अस्पतालमा आएका गर्भवती महिलाहरुलाई प्रसुतीगृहबाट शल्यक्रिया कक्षसम्म लैजाने बाटो सुधार गर्न आवश्यक रहेको बताएका छन् ।