मोटरसाइकल चोरीको आरोपमा जिल्ला प्रहरी कार्यालय प्यूठानले २ जनालाई पक्राउ गरेको छ । गढवा गाउँपालिका ५ का दाङ बस्दै आएका १९ बर्षिय सुमन चौधरी र १६ बर्षका बालक सहित २ जनालाई शुक्रबार पक्राउ गरिएको जिल्ला प्रहरी कार्यालय प्यूठानले जानकारी दिएको छ ।

जिल्ला प्रहरी कार्यालय प्यूठानका अनुसार असोज १० गते राती १० : ०० बजेको समयमा प्यूठान नगरपालिका वडा नं. ८ खप्रेङखोलाका कृष्ण बहादुर थापाको घर आँगनमा राखेको केमान सिंह थापाको बा ८९ प ४२४० नं. को पल्सर २२० सि सि को मोटरसाईकल र भोलि पल्ट ११ गते राती १ ः ०० बजेको माण्डवी गा.पा. वडा नं. १ देविस्थान स्थित राजेन्द्र अधिकारीको घरको आँगनमा राखेको रा ३ प ८०५ नं. को १५० सिसिको पल्सर मोटरसाईकल चोरी भएको थियो ।

चोरीमा संलग्न २ जनालाई अनुसन्धानको लागि म्याद थप गरिएको जिल्ला प्रहरी कार्यालय प्यूठानले जानकारी दिएको छ ।