प्यूठान जिल्लामा हालसम्म साढे १ लाख बढिले राष्ट्रिय परिचयपत्रको लागि आवेदन दिएका छन् । आर्थिक बर्ष २०७७/०७८ देखि सुरु गरिएको राष्ट्रिय परिचय पत्र २०८० असोज १८ गतेसम्ममा १ लाख ७ हजार ८ सय ३४ जनाले फर्म भरेको जिल्ला प्रशासन कार्यालय प्यूठानले जानकारी दिएको छ ।

सहायक प्रमुख जिल्ला अधिकारी खिमानन्द भुषालका अनुसार पुरुष ७३ हजार ६ सय २३ र महिला ३४ हजार २ सय ११ रहेका छन् । हालसम्म २ हजार २ सय १४ जनाको राष्ट्रिय परिचयपत्र जिल्लामा प्राप्त भईसकेको छ । जसमध्य ५४ पुरुष र १९ महिला गरि ७३ जनाले परिचयपत्र पाइसकेको भुषालले जानकारी दिए । उनका अनुसार नयाँ नागरिकता लिने व्यक्तिहरु सबैले राष्ट्रिय परिचयपत्र बनाउदै आएका छन् ।

जनताको सहजताका लागि जिल्ला प्रशासन कार्यालय प्यूठानले राष्ट्रिय परिचयपत्र बनाउन जिल्लाका ६४ वटै वडामा शिविर समेत सञ्चालन गरेको थियो । शिविरबाट धेरैले राष्ट्रिय परिचयपत्र बनाउनका लागि आवेदन दिएका छन् ।