बहाने स्याउलीबाङ सडक निर्माण कार्यका लागि प्रकिया अगाडी बढाइएको छ । नौबहिनी गाउँपालिकाको आयोजनामा मंगलबार नौबहिनी गाउँपालिका–१ स्याउलाबाङ र नौबहिनी–४ मुलघाटमा प्रारम्भिक वातावरण परिक्षण (आइ.इ.इ.) रिर्पोट तयारीको लागि भएको सार्वजनिक सुनुवाइ कार्यक्रममा यस्तो निर्णय गरेको नौबहिनी गाउँपालिकाको सचिवालयले जानकारी दिएको छ । बहाने देखि नौबहिनी गाउँपालिका ४,२ हुँदै १ नं वडा स्याउलीबाङ पुग्ने मोटरबाटोको स्तरोन्नतीको लागि यो प्रक्रिया अगाडी बढाएको बताईएको छ ।

बहाने देखि स्याउलीबाङ सडक (२३ किलोमिटर ) स्तरोन्नतीका लागि आइ.इ.इ. रिर्पोट तयारी भइसकेपछि सडक पुर्वाधार कार्यालय मार्फत ४२ करोड बराबरको टेण्डर आव्हान गर्ने भएको छ । उक्त स्तरोन्नतीको कार्यलाई ३ बर्षभित्र निर्माण कार्य सक्ने गरि बजेट स्वीकृत भएको छ । बर्षौ देखि सो बाटोमा स्याउलीबाङका स्थानीयलाई बर्खाको समयमा यात्रा गर्न निकै कठिनाई हुँदै आएको छ । स्तरोन्नती कार्य सम्पन्न पछि स्याउलीबाङसम्म सहज रूपमा आवतजावत गर्न सकिने गाउँपालिकाले विश्वास लिएको छ ।