प्यूठानको ऐरावती गाउँपालिका वडा न. ५ का यूवाहरुले तिहारमा देउसी भैलो खेली उठेको रकम बिपन्न परिवारका सदस्यलाई सहयोग गरेका छन ।
स्थानीय सुदन बावु थापाको नेतृत्वमा युवाहरुले भैलो खेलेर ३० हजार ६ सय २५ रुपैया रकम संकलन गरेका थिए । उक्त रकमबाट स्थानीय २ घरका बिपन्न परिवारलाई सहयोग गरिएको हो ।

स्वर्गिय हुम बहादुर पुनको श्रीमती बाटुला पुनलाई २४ हजार नगद, चामल, तेल र वालवालिकाको लागि शैक्षिक सामाग्री हस्तान्तरण गरेको महेन्द्र माध्यमिक बिद्यालय सरङवेसीका पुर्व बिद्यालय व्यबस्थापन समिती अध्यक्ष एवम भैलो समितीका प्रमुख सुदन बावु थापाले बताए ।

त्यस्तै स्थानीय अर्का श्रीमान गुमाएकि एकल महिला विस्नु थापा लाई पनि चामल तेल र शैक्षिक सामाग्री हस्तान्तरण गरिएको उनले बताए ।
आर्थिक अवस्था कमजोर भएका विभिन्न परिवारका व्यक्तिहरुलाई आर्थिक सहायता प्रदान गर्ने उद्देश्यले स्थानीयको सक्रियतामा देउसी भैलो खेलिएको स्थानीय सुदन बाबू थापाले जानकारी दिए ।