यूवा संगठन नेपाल जिल्ला समिति प्यूठानले जिल्लाबाट काठमाडौं लगायत अन्य जिल्लामा संचालन हुने यातायातका साधनमा भाडादर समायोजन गर्न अनुरोध गरेको छ । यात्रुको चाप भएको कारण देखाउँदै यात्रुहरुबाट यातायात व्यवसायीले बढि भाडादर असुलेको भन्दै आफ्नो ध्यानाकर्षण गराएको संगठनले बताएको छ ।

बिहिबार यूवा संगठन नेपालले एक प्रेस विज्ञप्ती जारी गर्दै यातायात व्यवसायीले तोकेको भन्दा बढि भाडादर लिइरहेको र विगतका दिनमा पनि यस्तो जनगुनासो धेरै आएको भन्दै मनपरितन्त्र नगर्न सूचना मार्फत जानकारी गराएको हो । साथै यस्ता खाले कार्य तत्काल रोक्ने पनि सम्बन्धित पक्षलाई आग्रह गरेको छ ।

संगठनले यदि यस्ता गतिविधि नरोकिएको खण्डमा वा सोही क्रियाकलाप दोहोरिएमा चक्काजाम, कार्यालय तालाबन्दी देखि सशक्त संघर्षका कार्यक्रम गर्ने चेतावनी समेत दिएको छ ।