प्यूठानको नौबहिनी गाउँपालिका ६ लुङ्गको लेखमा पहिलो पटक बस सञ्चालनमा आएको छ । विगत लामो समयदेखि बस सञ्चालनको प्रतिक्षा रहेको साबिकको ८ नं वडामा सोमबार देखि नियमित रुपमा चल्ने गरी बस सञ्चालनमा आएको हो ।

सानो पिकअप गाडीमा झुण्डिएर असहज रुपमा यात्रा गर्ने त्यहाँका स्थानीयलाई अव बस सञ्चालनपछि सहज हुने स्थानीय भरत के.सी ले जानकारी दिए । उनका अनुसार धेरै समय अघिदेखि त्यस ठाउँमा बस लैजान प्रयास गरेकोमा बल्ल मात्र सफल भएको हो । बस गाउँमा पुगेपछि त्यहाँका स्थानीयले खुसी हुँदै बस चालकलाई फूलमालाले सम्मान गरेका छन् ।