माण्डवी गाउँपालिकाले मार्सिवाङ खेलमैदान सरसफाई गरेको छ । गाउँपालिकाले गत विहिबार देखि हिजो शनिबारसम्म सञ्चालन गरेको प्रथम अध्यक्ष कप अन्तर्गत राष्ट्रव्यापी अन्तर स्थानीय तह पुरुष भलिवल प्रतियोगिता समापन गरेपछि आज खेलमैदान सरसफाई गरेको हो ।

३ दिन सम्म चलेको कार्यक्रमले खेलमैदान वरपर फोहोर भएपछि आज गाउँपालिका अध्यक्ष, उपाध्यक्ष, प्रमुख प्रशासकीय अधिकृत, नगर प्रहरी, गाउँपालिकाका कर्मचारी सहितको टोलिले फोहोर उठाई एक ठाउँमा व्यवस्थापन गरेको माण्डवी गाउँपालिका प्रमुख प्रशासकीय अधिकृत प्रकाश पाण्डेले जानकारी दिए । उनका अनुसार खेल सुरु हुनुभन्दा अघि नै पालिकाले फोहोरको लागि खाडल तयार समेत गरिसकेको थियो । सोही खाडलमा आज उठाएका फोहोरलाई त्यही व्यवस्थापन गरिएको छ ।

खेल मैदानलाई स्वच्छ र राम्रो बनाउन सबैको भूमिका उत्तिकै महत्वपूर्ण हुने भन्दै गाउँपालिका आफै खटिएर फोहोरलाई निश्चित ठाउँमा व्यवस्थापन गरिएका गाउँपालिकाले जनाएको छ ।