जन्ती बोकेको गाडी दुर्घटना हुँदा प्यूठानमा एकजनाको मृत्यु भएको छ । विहिबार विहान ११:२० बजे ऐरावती २ बरौलाबाट खलंगाको बुढाचौर जन्ती लिएर आउँदै गरेको स्कारपियो बरौलाको मोति माध्यमिक विद्यालयको पूरानो भवन नजिकै दुर्घटना भएको प्रहरीले बताएको छ । जिल्ला प्रहरी कार्यालय प्यूठानका सूचना अधिकारी हुमानन्द खनालका अनुसार गाडीमा सवार ७ जना थिए ।

दुर्घटनामा सवार ७ जनामध्ये मल्लरानी गाउँपालिका ३ का वडा सदस्य दामोदर नेपालीको मृत्यु भएको छ भने ऐरावती गाउँपालिका २ बस्ने करिस्मा सुनारलाई थप उपचारको लागि बुटवल रिफर गरिएको छ । बाँकी २ जनाको जिल्ला अस्पताल बिजुवारमा उपचार भइरहेको अस्पतालले जनाएको छ ।