गौमुखी गाउँपालिकाले निशुल्क विशेषज्ञ स्वास्थ्य शिविर सञ्चालन गरेको छ । बुधबार एक दिन भएको निशुल्क शिविरमा ९ सय २ जनाले सेवा लिएका छन् ।

शिविरमा स्त्रीरोग विशेषज्ञ सेवा, नाक कान घाँटी रोग, आँखा रोग, बालरोग, मुटु तथा मृगौला रोग, भिडियो एक्सरे, जनलर मेडिसिन, हाडजोर्नी तथा नसा रोग, दन्त रोग लगायतको सेवा दिईएको गाउँपालिकाले जनाएको छ । जटिल खालका ५२ जना विरामीहरुलाई जिल्ला बाहिर रिफर गरिएको छ । उक्त विरामीहरुको निशुल्क सर्जरी तथा उपचार गर्ने काठमाण्डौं मेडिकल कलेजले प्रतिवद्धता जनाएको छ । शिविरमा काठमाण्डौं मेडिकल कलेजका १३ जना डाक्टरहरुले चेकजाँच गरिनुका साथै औषधी वितरण समेत गरिएको थियो ।

गौमुखी गाउँपालिकाको आयोजना तथा काठमाण्डौं मेडिकल कलेज सिनामंगलको प्राविधिक सहयो र स्वास्थ्य कार्यालय प्यूठानको समन्वयमा शिविर सञ्चानल भएको हो ।