नेकपा एमालेले सञ्चालन गरेको झुलाघाट–चिवाभञ्ज्याङ समृद्धिका लागि संकल्प यात्रा पूर्ण रूपमा सफल भएको निष्कर्ष निकालेको छ ।

पार्टी केन्द्रीय कार्यालय ललितपुरमा बुधबार बसेको सचिवालयको अनौपचारिक बैठकले यात्राको समीक्षा गर्दै यात्रा पूर्णरुपमा सफल भएको निष्कर्ष निकालेको हो ।

पार्टी अध्यक्ष केपी शर्मा ओली सहित पदाधिकारीको अनौपचारिक बैठकले यात्रामा साथ दिने सम्पूर्ण नेता, कार्यकर्ता, सहयोगी शुभचिन्तकलाई धन्यवाद ज्ञापन गरेको छ ।

मध्यपहाडी यात्राको समीक्षा सहित धारणा सार्वजनिक गर्न विहिबार गर्ने भनिएको पत्रकार सम्मेलनको अघिको कार्यतालिका भने संशोधन भएको नेकपा एमाले प्रचार तथा प्रकाशन विभाग प्रमुख राजेन्द्र गौतमले जानकारी दिए ।

पत्रकार सम्मेलन पुस ८ गते दिउँसो एक बजेलाई सारिएको उहाँले बताउनुभयो । ८ गते दिउसो एक बजे पार्टी केन्द्रीय कार्यालयमा विशेष पत्रकार सम्मेलन गरेर यात्राको धारणा सार्वजनिक गरिने उहाँले बताउनुभयो ।