रोज डायनमिक बोर्डिङ्ग स्कूलले शुक्रवारे अतिरिक्त कार्यक्रममा कुँचो बनाउने तालिम दिएको छ । बोर्डिङले तालिम कक्षा ४ र ५ का १५ जना विद्यार्थीलाई तालिम दिइएको रोज डायनमिक बोर्डिङ्ग स्कलका प्रधानाध्यापक गोबिन्द प्रसाद सुबेदीले जानकारी दिए । उनका अनुसार स्कुल र घरमा सरसफाई गर्नका लागि सजिलो हुने कुँचो सम्बन्धि तालिम दिइएको हो ।

यस अघिकोे शुक्रबारे कार्यक्रममा दुना, टपरी बनाउने तालिम दिइएको थियो । यस्ता सिप युक्त घरायसी प्रयोजनमा आउने खालको सामान बनाउने सिपलाई निरन्तर दिइने विद्यालयले जनाएको छ । बजारमा पैसा तिरेर कुँचो किन्नु भन्दा गाउँमा रहेको कच्चा पदार्थलाई प्रयोग गरि कुँचो बनाए पैसाको समेत बचत हुने र गाउँकै कच्चा पदार्थबाट बनेको सामान समेत बलियो हुने बताईको छ ।

पछिल्लो समय बजारका कृत्रिम सामानले गर्दा गाउँमा पाइने बाबियो, अमरिसो लगायतका कच्चा पदार्थलाई समेत असर गरिरहेको समयमा यस्तो सीपलाई उजागर गर्न तालिम दिइएको विद्यालयले जनाएको छ ।