स्वर्गद्धारी नगरपालिका ५ उपल्लो सारीमा जलबराहथानको उद्घाटन गरिएको छ । जलबराहथान वडाध्यक्ष गिर बहादुर घर्ति मगरले एक कार्यक्रमका विच उद्घाटन गरेका हुन् । २०७९ कात्तिक २६ गते सिलन्यास गरिएको उक्त जलब्राहथानको कार्य निर्माण सम्पन्न भएपछि आज शुक्रबार उद्घाटन गरिएको हो ।

आमा बसन्ती देवी पौडेल र बुबा मोहनलाल पौडेलको जन्मदिनको अवसरमा छोरा ओविराम पौडेलले २ लाख ४० हजार बराबरको लागतमा कुलपुँजा जलबराहथानको २०७९ कात्तिक २६ गते सिलन्यास गरेको वडाध्यक्ष गिर बहादुर घर्ति मगरले जानकारी दिए । उनका अनुसार मंसिरको एकादशीमा उपल्लो सारीका सबै स्थानीयले सो ठाउँमा कुलपुँजा गर्दै आएका छन् ।

बाह्र देवता खुसी भएपछि बर्खामा पानीको खडेरी नलाग्ने स्थानीयको धार्मिक विश्वास रहिआएको छ ।