२०८० पुस १३प्यूठान अस्पताल बिजुवारका लागि निःशुल्क अप्रेशन टेबल उपलब्ध भएको छ । जिल्ला अस्पतालमा भएको १ मात्र अप्रेशन टेबल जिर्ण अवस्थामा रहेकोले बढ्दो बिरामी चापको कारण नयाँ अप्रेशन टेबल नहुँदा समस्या परेको भन्दै लुम्बिनी प्रदेश सांसद निमा गिरीको पहलमा प्यूठान अस्पताललाई १ थान निःशुल्क अप्रेशन टेबल उपलब्ध गराईएको हो।
एक मात्र अप्रेशन टेबलको कारण प्यूठान अस्पताल आउने धेरै बिरामीहरु अर्को जिल्ला पठाउनु पर्ने बाध्यता रहेको प्यूठान अस्पतालमा कार्यरत हाडजोर्नी तथा नसा रोग बिशेषज्ञ डा. राजेन्द्र पौडेलले बताए । हाडजोर्नीका बिरामीहरुको शल्यक्रिया गर्नका लागि छुट्टै टेवल नभएकोले समस्या परेको भन्दै अब टेवल उपलब्ध भएपछि सहज हुने पौडेलको भनाई छ ।
आगामी दिनमा बिरामीको अप्रेशन गर्न केहि सहज हुने उनले बताए ।अप्रेशन टेबलको अभावमा बिरामीले शास्ती नपाउन भन्ने उद्देश्यले प्यूठान जिल्लाबाट प्रतिनिधित्व गर्ने लुम्बिनी प्रदेश सांसद गिरीले संघ र प्रदेश स्वास्थ्य मन्त्रालयमा निरन्तर माग गर्दा प्राप्त नभएपछि संघीय सांसद तथा काठमाडौ मेडिकल कलेजका सञ्चालक सुनिल शर्मा मार्फत टेबुल उपलब्ध गराईएको सांसद गिरीले बताईन । उनले भनिन्,– ‘प्यूठानमा स्वास्थ्य क्याम्प गर्न जादा संघीय सांसद शर्मालाई अनुरोध गरी उक्त अप्रेशन टेबल प्यूठान अस्पतालको लागि उपलब्ध गराईएको हो ।’ जर्ज डेन्टल कम्पनीका सञ्चालक उमेश अग्रवालले उक्त टेवल निःशुल्क उपलब्ध गराएका हुन । उक्त टेबल संघीय सांसद सुनिल शर्मा , प्रदेश सांसद निमा गिरीको रोहबरमा डा। राजेन्द्र पौडेललाई हस्तान्तरण गरिएको छ । अब प्युठानीहरुले सामान्य अप्रेशन सुबिधा प्यूठान मै पाउने अपेक्षा गरेको सांसद गिरीले बताईन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
