प्यूठानमा वेवारिसे अवस्थामा १ जना पुरुषको शव फेला परेको छ । जिल्लाको नौबहिनी गाउँपालिका २ लिघा सिलिखन स्थित लिवासी खोलाको बगरमा मृत अवस्थामा शव फेला परेको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिए । उनका अनुसार मृत पुरुषको उमेर अन्दाजी ३४/३५ बर्ष रहेको छ ।

ईलाका प्रहरी कार्यालय बहाने प्रहरीको टोलीले शवलाई पोष्टमार्टमको लागि जिल्ला अस्पताल बिजुवार लिएको प्रहरीले जनाएको छ । पोस्टमार्टम आइतबार गरिने प्रहरीको भनाई छ ।

शव शनिबार दिउसो २ बजेको समयमा खोलामा माछा मार्ने क्रममा स्थानीयले फेला पारेको नौबहिनी गाउँपालिका २ का स्थानीय अर्जुन घर्ती मगरले जानकारी दिए । शवको पहिचान खुल्न नसकेकाले प्रहरीले अनुसन्धान थालेको जनाएको छ।