ऐरावती गाउँपालिकाले पालिकाभित्रका सरकारी कर्मचारी बाहेकका कर्मचारीहरुलाई सामाजिक सुरक्षा कोषमा आवद्ध गराउने भएको छ । सोमबार गाउँपालिकाको १४औं गाउँसभाबाट यस्तो निर्णय गरेको गाउँपालिकाले जनाएको छ । करार कर्मचारी, मजदुर लगायत इच्छुकलाई गाउँपालिकाले सामाजिक सुरक्षा कोषमा जोड्ने कोसीसमा रहेको गाउँपालिका अध्यक्ष नविल विक्रम शाहले जानकारी दिए । उनका अनुसार यसबर्ष परिक्षणको लागि वडाबाट कम्तीमा पनि १० जनालाई जोड्ने लक्ष्य लिएको छ ।

साथै गाउँपालिकाले बालबिबाह न्यूनिकरण गर्नको लागि बालबिबाह गरेका बारेमा सबुत प्रमाण सहित जाहेरी दिने व्यक्तिलाई नगद पुरस्कार दिने पनि निर्णय भएको अध्यक्ष शाहले जानकारी दिए । गाउँपालिका भित्र बालविवाह पछिल्लो समय झनै तिव्र रुपमा बढेको पाइएपछि यसलाई रोकथाम गर्न नगद २५ हजार रुपैयाँ दिने १४औं  गाउँसभाबाट पारित भएको हो ।