१२ मंसिरनेपाल कम्युनिस्ट पार्टी र अखिल नेपाल जनस्वास्थ्यकर्मी महासंघको पहलमा उपचार खर्च तिर्न नसकेर समस्या परेका रुकुमका टेकेन्द्र सुनारको परिवारलाई सहयोग गरेको छ । काठमाडौँको सुनधारास्थित काठमाडौँ भ्याली अस्पतालमा रुकुम मुसिकोट–७ निवासी सुनारको मृत्यु भएको थियो ।
सुनारको उपचारको क्रममा दुई लाख ८० हजार रुपैयाँ खर्च पुगेको थियो तर तिर्न नसकेपछि सुनारको शव आफन्तले निकाल्न सकेका थिएनन् । नेकपाका रुकुम इन्चार्ज नरेन्द्र बिक र अखिल नेपाल जनस्वास्थ्यकर्मी महासंघका अध्यक्ष प्रमोद योगी ‘चिरञ्जिवी’ ले छलफलपछि अस्पताल व्यवस्थापनले दुई लाख छुट गराएको हो । अस्पतालका संचालक श्याम श्रेष्ठले सुनारको उपचार खर्चमध्ये दुई लाख छुट गरेका हुन् । उपचारमा छुटमा भएपछि सुनारका परिवारले शव अस्पतालबाट निकालेका छन् ।
ब्रेन ह्याम्रेजपछि आइसियुमा राखेर उपचार भइरहेको थियो । तर, चिकित्सकहरुले बताउने प्रयास असफल भएको थियो ।
अध्यक्ष योगीले सुनारका परिवारलाई सहयोग गर्न आफूहरुले अस्पताल व्यवस्थापनसँग कुरा गरेर छुट गराएको बताए ।
उनले आफ्नो संगठन विगतदेखि जनताको दुःखमा साथ दिँदै आएको बताए । पीडित परिवार र आफ्नो संगठनको आग्रहमा उपचार खर्चमा उपचारमा दुई लाख छुट गराएको अध्यक्ष योगीले अस्पताल व्यवस्थापनलाई धन्यवाद दिए ।
