प्यूठानमा आँखा शिविर सम्पन्न भएको छ । नेपाल नेत्रज्योती संघ प्रस्तावित नरेन्द्र गायत्री आँखा अस्पताल विजुवार प्यूठानको आयोजनामा बिहिबार देखी सुरु भएको शिविर शुक्रबार सम्पन्न भएको हो । शिविर २ दिन चलेको अस्पतालले जनाएको छ ।

शिविरमा ३६ पुरुष र २९ महिला गरि ६५ जना आँखाको मोतिबिन्दु भएकाहरुको शल्यक्रिया गरिएको नेपाल नेत्रज्योती संघ प्रस्तावित नरेन्द्र गायत्री आँखा अस्पताल विजुवारकी प्रमुख लक्ष्मी मल्ल ठकुरीले बताईन् । जिल्लाका स्थानीय तहहरुले आँखा अस्पताल सँग समन्वाय गरेपछि आँखा रोगीका विरामीहरुले सेवा लिएका छन् ।

जेष्ठ नागरिकका विरामीहरुलाई सहज रुपमा सेवा पाएको महसुस गराउन पछिल्लो समय जिल्लाका सबै स्थानीय तहहरुले आँखा अस्पताल सँग सहकार्य गरेर सेवा दिदै आएको छ । विरामीहरुले आफ्नो गाउँठाउँबाट सेवा लिएर आँखा देख्न सहज भएको भन्दै खुसी व्यक्त गरेका छन् ।