ऐरावती गाउँपालिकाले बजार अनुगमन गरेको छ । आइतबार पालिकाभित्रका विभिन्न १० पसलहरुमा अनुगमन गरिएको ऐरावती गाउँपालिकाका उपाध्यक्ष कृष्ण प्रसाद श्रेष्ठले जानकारी दिए । पालिकाको मुख्य व्यापारीक केन्द्रहरुमा अनुमगन गर्दा १० पसलबाट करिब २७ हजार ६ सय ४९ रुपैयाँ बराबरको म्याद नाघेका सामान नष्ट गरिएको उपाध्यक्ष श्रेष्ठको भनाई छ । उनका अनुसार अनुगमनका क्रममा म्याद नाघेका मध्ये सबैभन्दा धेरै पेय पदार्थ रहेको पाइएको छ ।

पसलहरुमा मुल्य सुचि नराखेको, बोर्ड नभएका, म्याद नाघेका सामानहरु पाईएकाले त्यस्ता सामान बिक्रि वितरण नगर्न गाउँपालिकाले आग्रह गरेको छ । साथै अर्को पटकको अनुगमन गर्दा पसलहरुमा मुल्य सुचि नराखेको, बोर्ड नराखेको र पसल दर्ता नगरेको पाईएमा कडा कार्वाही गर्ने गाउँपालिकाले जनाएको छ ।