जिल्लाको मुख्य पर्यटकीय तीर्थस्थल स्वर्गद्वारी पुग्ने भिगृ–स्वर्गद्धारी सडक सुधार हुने भएको छ । बर्सेनी भइरहने सडक दुर्घटनालाई कमगर्ने उदेश्यले सडक डिभिजन कार्यालय प्यूठान मार्फत यसवर्ष सडक सुरक्षाको कामगर्न थालिएको हो ।

भौतिक पूर्वाधार तथा यातायातमन्त्रालय सडक विभाग मार्फत आएको ७ करोड ८९ लाख ४ हजार ५ सय १७ रुपैयाँ बजेटले काम सुधारका कामगर्न थालिएको सडक डिभिजन कार्यालय प्यूठानले जनाएको छ । । ठेक्का माफ भिंगृ– स्वर्गद्धारी–होलेरी सडक अन्तरगर्त भिंगृ–स्वर्गद्धारी खण्डमा काम भैरहको सडक डिभिजन कार्यालय प्यूठानका कार्यालय प्रमुख राजिव श्रेष्ठले बताए ।

सडक निर्माणको जिम्मा निर्माण कम्पनी ड्रामा–जलजला–रेड–अर्थ जेभीले लिएको छ । २०८१ असार २२ मा सक्नेगरि कार्यालयसंग सम्झौता भएको निर्माण व्यवसायी लोकेन्द्र डाँगीले बताए । कार्यालयसंग सम्झौता अवधिमै निर्माण सक्नेगरि धमाधम हिजोआज काम भइरहको डाँगीले बताए ।

सडक क्षेत्रमा सडक तथा ट्राफिक सुरक्षा(सडक सुरक्षा पर्खाल) व्यारीयर थामोप्लास्टिक पेन्ट र स्ल्याब कल्भर्ट निर्माण गर्ने सम्झौता भएको छ । सडक क्षेत्रमा भइरहेको कामको अवस्था बुझ्न सडक विभाग संभार महाशाखाका प्रमुख प्रभातकुमार झा आईबार प्यूठान आएर थप सल्लाहा सुझाब दिएको कार्यालय प्रमुख श्रेष्ठले बताए । भिगृ–स्वर्गद्वारी १४ मिलोमिटर छ । यो सडक खण्डमा झण्डै ६ मिलोमिटरमा स्टिल व्यारीयर राख्ने स्टिमेट रहेको कार्यालयले जनाएको छ ।