नेपाल सरकारबाट २०६९ सालमा स्वीकृत भएको गौमुखी/नौबहिनी संरक्षित क्षेत्र अझै घोषणा हुन सकेको छैन् । संघियता कार्यन्वयन संगै प्रदेश सरकारले संरक्षित वन क्षैत्र घोषणामा ढिलाइ गरेका कारण संरक्षित वन घोषणा हुन नसकेको हो ।

गौमुखी/नौबहिनी र झिमरुक गाउँपालिकाको २६ हजार हेक्टर वन क्षेत्रलाई समेटिएर वनेको संरक्षित वन क्षेत्रको परिषद् समेत गठन भइसकेको छ । परिषद्को अध्यक्ष हाल गौमुखी गाउँपालिका अध्यक्ष विष्णुकुमार गिरी छन् ।

आइई रिपोर्ट तयार गरेर कार्ययोजना समेत परिषद्बाट अनुमोदन गराएर प्रदेश वन निर्देशालय र मन्त्रालयमा पठाइ सकिएको छ । सबै कानुन प्रक्रिया पूरा गरेर पनि संरक्षित वन घोषणा गर्ने काम प्रदेश सरकारले नगरेको डिभिजन वन कार्यालय प्यूठानका प्रमुख शंकर प्रसाद गुप्ताले बताए । ‘जिल्लाबाट गर्ने काम सबै भइसकेको छ,’गुप्ताले भने,‘अव प्रदेश क्याविनेटले निर्णय गरेर घोषणा गर्ने हो ।’