दाङको राप्ती गाउँपालिका–१ भालुबाङस्थित राप्ती नदीको पुलबाट बस खस्दा मृत्यु हुनेको संख्या १२ पुगेको छ भने २३ जना घाइते भएका छन् ।

बाँकेको नेपालगञ्जबाट काठमाडौं जादैं गरेको भे १ ख ३९१२ नम्बरको बस शुक्रबार राति साढे १० बजे पुलबाट राप्ती नदीमा खसेको थियो ।
दुर्घटनामा एक महिला र ११ पुरुष गरी १२ जनाको मृत्यु भएको ईलाका प्रहरी कार्यालय भालुवाङका प्रहरी निरिक्षक उज्जल बहादुर सिंह ले जानकारी दिए । उनका अनुसार १२ जनाकै शव लमही अस्पतालमा राखिएको छ ।

२३ जना घाईते मध्य सामान्य घाइतेहरुलाई भालुवाङ तथा गम्भिर घाइते भएकाहरुको उपचारका लागि बुटवल र नेपालगन्ज पठाइएको छ ।