अनेरास्ववियू क्रान्तिकारी प्यूठानले जिल्ला अस्पताल बिजुवार परिसर सरसफाई गरेको छ । क्रान्तिकारीले शनिबार जिल्ला अस्पताल वरिपरी रहेका झारजंगल फडानी, जथाभावी रुपमा छरिएका प्लाष्टिकका टुक्रा टिपेर एक ठाउँमा व्यवस्थापन गरेको हो ।

सरसफाई मानिसको लागि महत्वपूर्ण भएकाले यस कार्यलाई प्राथमिकतामा राखेको अनेरास्ववियू क्रान्तिकारीलले बताएको छ । साथै अरुले समेत सिको गर्नको लागि सन्देशमुलक हुने भन्दै सरसफाई कार्यलाई अघि बढाईएको नेकपा (माओवादी केन्द्र) जिल्ला पार्टी संयोजक नमराज अधिकारीले बताए ।

त्यस्तै सरसफाई कार्यक्रममा जिल्ला अस्पताल प्यूठानले अक्सिजन सिलिनडरको लागि ट्रली आवश्यक पर्ने भएकाले पहल गरिदिन आग्रह गरेको छ । प्यूठान नगरपालिकाका नगरप्रवक्ता तथा ३ नं वडाध्यक्ष सुमनराज श्रेष्ठले त्यसका लागि छिट्टै पहलका कार्य अगाडी बढाउने प्रतिवद्धता व्यक्त गरेका छन् ।