News Portal

रेडियो सुन्नुहोस्

दादुरा–रुवेला खोप अभियान २०८० को प्यूठानमा शुभारम्भ

झुलेनी नेटवर्क२०८० फागुन १३
११९ पटक
२०८० फागुन १३

दादुरा–रुवेला खोप अभियान २०८० औपचारिक रुपमा शुभारम्भ गरिएको छ । प्यूठानमा जिल्ला खोप समन्वय समिति प्यूठानको आयोजनामा एक कार्यक्रमको आयोजना गरी आज प्यूठान नगरपालिकाका २ को शहरी स्वास्थ्य केन्द्र दाँखाक्वाडीबाट खोप अभियान सुभारम्भ गरिएको हो ।

दादुरा–रुवेला खोप अभियान शुभारम्भ कार्यक्रमलाई सम्बोधन गर्दै प्रमुख अतिथि एवंम प्यूठान नगरपालिकालकाका प्रमुख विष्णु योगीले दादुरा –रुवेलाको महामारी नियन्त्रण गर्न यो अभियानलाई सार्थक बनाउनु सबैको दायित्व भएको बताएका छन । उनले यो अभियानलाई सफल र प्रभावकारी बनाउन सबैलाई सहयोग गर्न आग्रह समेत गरेका छन । ९ महिनादेखि ५ बर्ष उमेरका बालबालिकाहरुलाई खोप लगाउन नछुटाउन पनि उनले स्वास्थ्यकर्मी र अभिभावकहलाई आग्रह गरे ।

कार्यक्रममा जिल्ला खोप समन्वय समिति प्यूठानका संयोजक तथा जिल्ला समन्वय समिति प्यूठानका प्रमुख धरम बहादुर जि.सी ले खोप लगाउन कुनै पनि बालबालिका छुट्न नहुने भन्दै यो अभियानलाई सफल बनाउन सबै पक्षको भूमिका आवश्यक रहेको बताए ।

खोप सुरक्षित र प्रभावकारी रहेकाले सबैले आ–आफ्नो बालबालिकालाई खोप लगाउन स्वास्थ्य कार्यालय प्यूठानले अनुरोध गरेको छ । स्वास्थ्य कार्यालय प्यूठानका अनुसार जिल्लामा २२ हजार ८ सय २४ जना बालबालिकालाई खोप दिने लक्ष्य छ । यसको लागि २५ हजार ५ सय डोज खोप प्राप्त भएर सबै स्थानीय तहरुमा पठाईसकिएको छ ।
सन् २०२६ सम्म दादुरा–रुवेला निवारण गर्ने लक्ष्यका साथ यसपटक सरकारले खोप अभियान सञ्चालन गर्न लागेको हो । बिहान १० देखि दिउँसो ४ बजेसम्म खोप अभियान सञ्चालन हुनेछ । प्यूठानमा खोप १३ देखि १९ सम्म सञ्चालन हुने कार्यालयले जनाएको छ ।

जिल्ला खोप समन्वय समिति प्यूठानका संयोजक तथा जिल्ला समन्वय समिति प्यूठानका प्रमुख धरम बहादुर जि.सीको अध्यक्षतामा भएको कार्यक्रमको सञ्चालन स्वास्थ्य कार्यालय प्यूठानका कोल्ड चेन निरिक्षक कोशलराज बैद्यले गरेका थिए ।

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...