News Portal

रेडियो सुन्नुहोस्

समाचारको प्रभाव : श्याम बहादुरको उपचार हुँदै

झुलेनी पोष्ट २०८० चैत ५
७६ पटक
२०८० चैत ५

मल्लरानी गाउँपालिका–३ मुन्डाडा खसिनीखर्क स्थित ३८ वर्षिय श्याम बहादुर वि.क वर्षौदेखि उपचारको अभावमा विस्तारामा थलिएर बसेका थिए ।
उनलाई उच्च मधुमेहको समस्या भएपछि घरमै औषधी सेवन गर्दै बसेका थिए तर औषधीको कुनै प्रभाव भने परेन । श्याम दिन प्रतिदिन दुव्लाउदै ख्याउटे वन्दै गएका थिए । उनको बारेमा समाचार संकलन गर्न गत फागुन २५ गते झुलेनी पोष्टका पत्रकार श्यामको घरमा पुगे । साथमा प्यूठान अस्पतालका डाक्टर राजेन्द्र पौडेल पनि श्यामको अवस्था बुझ्न घरमै पुगेका थिए ।


श्यामको मधुमेह अत्यधिक वृद्धि भएका कारण शरिरका विभिन्न भागहरुमा समस्या देखिएपछि मुखबाट खाने औषधीले समेत काम गर्न छोडेको डाक्टर पौडेलले बताए। उनलाई प्यूठान अस्पतालमा लगेर थप उपचार गर्नुपर्ने सल्लाह दिएर डाक्टर पौडेल फर्किएका थिए ।
घरको कमाउने मुख्य व्यक्ति नै अशक्त भएपछि उनकी श्रीमती पैसा कमाउन भारत लागेकी थिइन् । यता श्रीमानलाई रोगले झन झन च्याप्न थालेपछि श्रीमती रुप्सी वि.क स्याहारको लागि घरमा आएको बताउँछिन् ।

श्यामको अवस्थावारे झुलेनी पोष्ट डट कममा समाचार प्रकाशन भएपछि उपचारका लागि सहयोग जुट्न थालेको हो । अहिले श्यामलाई प्यूठान अस्पतालको ६ नं.शैयामा राखेर उपचार भैरहेको छ । बिहिवार उनलाई प्यूठान अस्पतालमा ल्याई मधुमेह जाँच गरी हेर्दा ४ सय भन्दा बढि सुगर देखिएपछि इन्सुलिन दिएर उपचार गरिएको हो । अहिले श्यामको सुगरको अवस्था पहिलेको तुलनामा कम भएतापनि वढ्ने घट्ने क्रम भैरहेकोछ । प्यूठान अस्पतालका फिजिसीयन डाक्टर गोविन्द राउतका अनुसार पुर्ण रुपमा सुगर नियन्त्रण नहँुदासम्म घरमा पठाईने छैन। घरमै इन्सुलिन दिने व्यवस्था मिलाउन सके विरामीलाई सहज हुन्छ ,उनले भने ।
आर्थिक अभावका कारण उपचार हुन नसकेको खबर बाहिर आएपछि श्यामको उपचारका लागि देश विदेशबाट सहयोग रकम जुटिरहेको छ ।उनी अहिले बिजुवारमा उपचाररत छन् ।

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...