२८ मंसिर, दाङ । दाङको तुलसीपुर बजारस्थित अन्नपूर्ण ट्रेडर्समा आगलागी भएको छ । भिम घिमिरेले आफ्नै घरमा सञ्चालन गर्दै आएको जुत्ता-चप्पलको होलसेल पसलमा आगलागी भएको हो ।आगलागीबाट घर र पसल पूरै क्षतिग्रस्त भएको छ । तुलसीपुर ५ बीरेन्द्र चोक नजिक रहेको भीमप्रसाद घिमिरेको घरमा रहेको जुताको होलसेल पसलमा आगलागी भएको प्रहरीले बताएको छ ।

वीरेन्द्र चोकबाट पश्चिमतर्फ पाँच नम्बर वडा कार्यालयसँगै रहेको आफ्नो चार तले घरको सटरमा घिमिरेले पसल सञ्चालन गर्दै आएका थिए । घिमिरे परिवार भने सोही घरको माथिल्लो तल्लामा बस्दथे ।

उनीहरुले शुक्रबार बिहान ६ बजेतिर धुँवा फैलिएपछि आगो लागेको थाहा पाएका थिए । विद्युत सर्ट भएर आगो लागेको अनुमान गरिएको छ ।

आगोलागि भएको पसलमा करोडौको लगानि रहेको पसल सञ्चालकले वताए।