२०८१ असार १०प्यूठानको सुत्लावाङमा भएको गाडी दुर्घटनामा चालक सहित नौ जना घाइते भएका छन् । बहानेबाट सुत्लावाङको लागि छुटेको लु १ प ८०५१ नं को बोलेरो पिकअप जिप आइतबार साँझ करिब साढे ७ बजेको समयमा नौबहिनी गाउँपालिका ४ खवाङको सुत्लावाङमा दुर्घटना भएको हो ।
घाइतेलाई जिल्ला अस्पताल विजुवार लिएको जिल्ला प्रहरी कार्यालय प्यूठानले जानकारी दिएको छ । जिल्ला अस्पतालबाट ३ जना उपचारपछि घर फर्केका छन् भने २ जना अझै अस्पतालमा रहेका छन् । बाँकी ४ जनालाई थप उपचारको लागि बुटवल रिफर गरिएको नौबहिनी गाउँपालिका ४ का वडाध्यक्ष भिम बहादुर घर्तीमगरले जानकारी दिए ।
बुटवल रिफर हुने नौबहिनी गाउँपालिका ४ सुत्लावाङकी शान्ती पुन मगर, सिम्रन पुन मगर, झिमरुक गाउँपालिका तुसाराका नर बहादुर थापा, र पुतला थापा रहेका छन् । जिपमा सवार १० जना थिए ।
उकालो चढ्ने क्रममा ब्रेक फेल भई दुर्घटना भएको नौबहिनी गाउँपालिका ३ का वडाध्यक्ष दिल बहादुर के.सीले जानकारी दिए । उनका अनुसार बाटोदेखि ६ मिटर तल खसेको थियो ।
फोटो : भिम जि.एम
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
