बाह्रपन्थी नाथ योगि समुदायले आगलागी पीडितलाई आर्थिक सहयोग गरेको छ । सोमबार एक कार्यक्रमको आयोजना गरी माण्डवी गाउँपालिका ५ रम्दीका ५ घरपरिवारलाई आर्थिक संकलन गरी गाउँपालिका अध्यक्ष नमराज अधिकारीमार्फत हस्तान्तरण गरिएको बाह्रपन्थी नाथ योगि समुदाय प्यूठानका अध्यक्ष भोजराज योगीले जानकारी दिए ।
गत बैशाख ८ गते लागेको आगोले माण्डवीमा ५ घरगोठ पूर्णरुपमा जलेर नष्ट भएको थियो ।

आगलागीमा परेका बाह्रपन्थी नाथ योगि समुदाय परिवारका सदस्यहरुको सहयोगमा ७० हजार ४ सय ९० रुपैयाँ आर्थिक संकलन भएको थियो । कार्यक्रममा आगलागीबाट क्षतिको आधारमा रकम वितरण गरिएको बाह्रपन्थी नाथ योगि समुदायले जनाएको छ ।

आगलागी पीडितहरु यम बहादुर योगि, गोबिन्द बहादुर योगि, ईश्वर योगि, छबिलाल योगि र दुर्गा खडकालाई आर्थिक सहयोग गरिएको हो । उनीहरुलाई क्रमशः २४ हजार, २४ हजार, १२ हजार, ८ हजार र २ हजार ५ सय सहयोग गरेको बताईएको छ।

कार्यक्रममा राहत संकलन, एव्म बितरण अभियानमा जुट्ने सबै बाह्रपन्थी नाथ योगि समुदायका सदस्यहरुलाई धन्यवाद दिएका छन् । आगामी दिनहरुमा पनि समुदायको बृहत्तर हितका कार्यहरुमा सधै सहयोग गर्ने बाह्रपन्थी नाथ योगि समुदायले जनाएको छ ।