जिल्ला अस्पताल बिजुवार प्यूठानमा पहिलोपटक रेडियोलोजिस्टद्धारा एक्सरे सेवाको सुरुवात भएको छ । झिमरुक गाउँपालिका २ बादिकोटमा जन्मिएका डाक्टर छवि खड्कालाई जिल्ला अस्पताल प्यूठानले मंगलबार एक कार्यक्रमका विच स्वागत गरेको छ ।

यस अघि अस्पतालले बेशिक रुपमा भिडियो एक्सरे गर्दै आएकोमा रेडियोलोजिस्ट डा.खड्काको आगमनसँगै अब जिल्लामा भिडियो एक्सरे सेवामा विशेषज्ञ सहितको सेवा सुचारु हुने अस्पतालका प्रमुख डा.राजेन्द्र पौडेलले जानकारी दिए । अवदेखि एक्सरेतर्फ पनि सेवाग्राहीले सहज रुपमा विशेषज्ञ सहितको सेवा पाउने अस्पतालका प्रमुख पौडेलको भनाई छ ।

जिल्ला अस्पतालबाट यस अघि मेडिकल अफिसर र एम.डी.जि.पी डाक्टरहरुले सेवा दिँदै आएका थिए । भर्खरै जिल्लामा आएका डा. खड्काले चिकित्सा विज्ञान राष्ट्रिय प्रतिष्ठान वीर अस्पतालबाट रेडियोलोजिष्ट विषयमा एम.डी उत्तिर्ण गरेका छन् ।