पर्यटकीय क्षेत्र सरुमरानी लेकमा झन्डै आठ सय विरुवा रोपिएको छ । सरुमारानी गाउँपालिका ६ मा पर्ने गाउँपालिकाको सबैभन्दा अग्लो स्थानमा रहेको नांगी लेकमा बुधबार पाँच सय टिमुरको बेर्ना, लालीगुँरास एक सय ५०, स्थानीय प्रजातीका रुख र फूलका बेर्नाहरु रोपिएको सरुमारानी गाउँपालिकाका प्रवक्ता चिन्त सामै मगरले जानकारी दिए । पर्यटकीय क्षेत्र सरुमारानी लेकका लागि गाउँपालिकाले विभिन्न ३ आर्थिक बर्षमा बजेट विनियोजन गरी पूर्वाधार विकासका कामहरु गरेको प्रवक्ता तथा ४ नं वडाध्यक्ष सामै मगरको भनाई छ ।

पर्यटन प्रवद्धन गर्ने उदेश्य सहित लेकलाई हरियाली बनाई हराभरा बनाउनको लागि विरुवा रोपिएको गाउँपालिकाले जनाएको छ । पूर्वाधार विकासमा लेकसम्म पुग्नको लागि तीन सयम मिटर लामो सिढी, वडा कार्यालयबाट सिढी सम्म पुग्न करिब डेढ किलोमिटर कच्ची बाटो पुर्‍याएको तथा खानेपानी र विद्युत लाईन लैजान बाँकी रहेको छ । तीन आर्थिक बर्ष गरी २२ लाख रुपैयाँ गाउँपालिकाले खर्च गरिसकेको गाउँपालिका प्रवक्ता सोमै मगरले बताए ।

त्यस लेकमा बैशाख पूर्णिमाको समय मेला लाग्ने, नयाँ बर्षमा घुम्न जाने र होली खेल्नका लागि विभिन्न ठाउँबाट जानेको संख्या बढ्ने गर्दछ । पर्यटकलाई आकर्षण गर्नको लागि पालिकाले अहिले विरुवा तथा फूलहरु रोपेको हो । पर्यटन प्रवद्धनबाट पर्यटकहरुलाई भित्र्याउन सके त्यस ठाउँका स्थानीयलाई समेत फाईदा पुग्नुका साथै आर्थिक आयआर्जन गर्ने गाउँपालिकाले विश्वास लिएको छ ।