News Portal

रेडियो सुन्नुहोस्

स्वास्थ्यकर्मीहरु जीवालाई स्ट्रेचरमा बोकेर घर पुगे

झुलेनी नेटवर्क २०८१ असार २४
१०५२ पटक
२०८१ असार २४

प्यूठानको मल्लरानी गाउँपालिका ३ धरमपानी स्वास्थ्य चौकीमा कार्यरत स्वास्थ्यकर्मीहरुले सुत्केरीलाई स्ट्रेचरमा बोकेर घर पुर्‍याएका छन् । लगातार परेको तीन दिनको अविरल बर्षाले बाटो अवरुद्ध गरेपछि गाडी नचल्दा स्वास्थ्यकर्मीहरु मिलेर आइतबार सुत्केरीलाई स्ट्रेचरमा बोकी घर पुर्‍याएका हुन् ।

ऐरावती गाउँपालिका ६ काल्नेकी ३० बर्षिया जीवा वि.क असार २२ गते सुत्केरी हुन धरमपानी स्वास्थ्यचौकीमा आएको धरमपानी स्वास्थ्यचौकीका कार्यालय प्रमुख टुकाराम पोख्रेलले जानकारी दिए । उनका अनुसार जीवाले २२ गते राती नै छोरी जन्माइन् । उनलाई सुत्केरी गराउन आमाले अस्पताल लिएको कार्यालय प्रमुख पोख्रेलको भनाई छ ।

उनको यस अघिको ३ बर्षका एक छोरा छन् । श्रीमान रोजगारको शिलशीलामा भारतमा काम गर्दै आएका छन् ।
जीवाको घर देखी स्वास्थ्य चौकी जान करिब साढे २ किलोमिटर छ । तर उनको घरसम्म मोटरबाटो नपुगेका कारण पनि जान अप्ठ्यारो परेको प्रमुख पोख्रेले बताए । सुत्केरी जिवाले भनिन् “म गाडीमा चढ्दिन चढ्ने पैसाले बरु एक क्यारेट अण्डा किनेर खान्छु भन्दा यस्तो शब्दले मेरो मन छोयो पोख्रेलले भने, त्यसपछि हामीले सबै स्वास्थ्यकर्मी नै मिलेर उनलाई घरसम्म लगेका हौं ।”

मल्लरानी गाउँपालिका ३ का वडाध्यक्ष नोमराज पौडेलले राष्ट्रसेवक कर्मचारीले विपदको समयमा गरेको यो काम सराहनिय भएको बताएका छन् । अध्यक्ष पौडेलले स्वास्थ्यकर्मीहरुलाई धन्यवाद सहित यस्ता सामाजिक काममा जोकोही पनि जुट्न आवश्यक रहेको उल्लेख गरे ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

गौमुखी भ्रमण बर्ष मनाउन पत्रकार महासंघले सहकार्य गर्ने

गौमुखी गाउँपालिकाले मनाउन थालेको गौमुखी पर्यटन भ्रमण वर्ष २०८२ को अवसरमा पत्रकार महासंघले सहकार्य गर्ने...

प्यूठानमा ३ सय २८ जोडीले गरे सम्बन्ध विच्छेद

प्यूठानमा सम्बन्ध विच्छेद गर्नेहरुको संख्या बढेको छ । आर्थिक वर्ष २०८१-८२ मा ३ सय २८...

चट्याङबाट घाईते राना खतरामुक्त, मृतक बिटालुको शव पोष्टमार्टमका लागि विजुवार ल्याईदै

शनिबार राती चट्याङ् लागेर घाईते भएका गौमुखी गाउँपालिका २ का प्रेम सुनारको उपचार भईरहेको छ...

निजी विद्यालय सञ्चालकहरूद्वारा सदरमुकाममा कोणसभा सम्पन्न

निजी विद्यालय सञ्चालकहरूले खलङ्गामा कोणसभा सम्पन्न गरेका छन् । निर्माणाधीन शिक्षा ऐनमा राखिएको प्रावधानको विरोध...

पुस्तकालय र पठन संस्कृति विषयक अन्तरक्रिया वाल मन्दिरमा सम्पन्न

पुस्तकालय र पठन संस्कृति विषयक अन्तरक्रिया कार्यक्रम वाल मन्दिरमा सम्पन्न भएको छ । भानु सामुदायिक...