प्युठानका एक व्यक्ति मृत अवस्थामा फेला परेका छन् । खेतमा पानी हाल्न गएका गौमुखी गाउँपालिका‐६ लिवाङका स्थानिय अन्दाजी १७ वर्षिय गणेश वहादुर घर्तिमगर खेत नजिकै मृत अवस्थामा भेटिएको जिल्ला प्रहरी कार्यालय प्युठानले जनाएको छ ।
बुधबार बिहान खेतमा पानी हाल्न जान्छु भनि घरबाट निस्किएका घर्तिमगर विहिवार साझसम्म घर आएका थिएनन् । घरपरिवारले मामाघर बस्यो भनेपनि मावलीलाई सोध्दा मामा घर नभएको जानकारी पाएपछि विहिवार विहानबाट घर्तिमगरलाई खोज्न स्थानिय गएका थिए । खोज्दै जाँदा विहिवार राती ११ः ३० बजे मृत अवस्थामा खेतभन्दा करिब १५ मिटर टाढा भेटिएको थियो । मृत शव फेला पारेपछि स्थानियले प्रहरीलाई खबर गरेका थिए ।
घर्तिमगरलाई मारेको आशंका
मृतक घर्तिमगरलाई कसैले मारेको आशंका गरिएको छ । घटनासथल नजिकै कोदालो भेटिएको, मृतकको टाउकोमा चोट भएकोले कोदालेले हानेर मारेको आशंका गरिएको प्रहरी प्रमुख वुढाथोकीले बताए । उनले भने,‐‘घटनाको विषयमा अनुसन्धान गरिरहेका छौँ । ’ मृतकको शवलाई पोष्टमाटमका लागि जिल्ला अस्पताल विजुवार ल्याईएको छ ।