धर्मावती माविमा २ अक्षयकोष स्थापना गरिएको छ ।

प्यूठान नगरपालिका ६ माझकोटमा रहेको उक्त विद्यालयमा कुन्तामणी भण्डारी र चेतकला भण्डारीको स्मृतिमा अक्षयकोष स्थापना गरिएको छ । स्थानीय गिरीराज भण्डारीले आफ्ना बुवा आमाको स्मृतिमा २५ हजार बराबरको अक्षयकोष स्थापना गरेका हुन् । अक्षयकोषबाट जेहेन्दार तथा विपन्न वर्गका विद्यार्थीहरूलाई पढाइमा सहजताका लागि छात्रवृत्ति प्रदान गरिनेछ ।

त्यस्तै पूर्व वडा सदस्य मधा भण्डारीले स्वर्गीय नन्द सिता भण्डारीको नाममा ५ हजार ५ सय ५५ रुपैयाँको अक्षयकोष  स्थापनाको घोषणा गरेकी छिन् । स्थापित दुवै अक्षयकोषले विद्यार्थीहरूका लागि हौसला भएको विद्यालयका प्रधानाध्यापक पुष्पलाल पुनले बताए ।