प्यूठान नगरपालिकाले संचालन गरेको कम्प्यूटर तालिममको भुक्तानी रोकीएको छ । पालिकाले २०८० चैत्रमा ६ लाख बजेटकोे तिनमहिने आधारभूत कम्प्यूटर तालिम संचालन गरेको थियो । नगर प्रमुख विष्णुबहादुर योगिका स्वकीय सचिब पुष्कर शर्माले सेटिङमा श्रीमतीको नाममा दर्ता भएको गुरु एकेडेमीलाई कार्यक्रम दिलाएका थिए । तालिम समापन गरे पनि भुक्तानी रोकिएको संस्थामा साझेदार अनील भण्डारीले बताए ।

प्यूठान नगरपालिकाले गत वर्ष २०८० फागुन २ गते कम्प्यूटर सिकाइका लागि प्रस्ताव पेस सम्वन्धी सूचना प्रकाशन गरेको थियो । जिल्लाका विभिन्न ६ वटा इनिस्टीच्यूटहरुले प्रस्तावना सहित कार्यक्रम गर्नको लागि निवेदन पेस गरेका थिए । गुरु ऐकेडमिलाई कार्यक्रम दिनको लागि नगरपालिकाले उहि व्यहोराको सूचना ३ दिन पछी पुनःथप गरिएको थियो ।

मिति सूचनामा उल्लेख नगरी २०८० फागुन ११ गते उहि व्यहोराको सूचना फागुन १७ गते सम्मका लागि प्रस्तावना पेस गर्न भनि निकालेको थियो । यो अवधिमा नगरप्रमुख योगीकी छोरी सुलोचना शर्मा र अनील भण्डारीको नाममा फागुन १५ गते इन्सिच्यूट दर्ता गरियो । यसै सस्थालाई नगरपालिकाले कार्यक्रम दिएको थियो ।

प्यूठान नगरपालिका ४ जुम्रीमा रहेको गुरु एकेडेमिले ३ महिना सम्म तालिम संचालन गरे पनि भुक्तानी रोकिएको प्यूठान नगरपालिका प्रमुख प्रशासकीय अधिकृत नारायणप्रसाद भण्डारीले बताए । जिल्ला प्रशासन कार्यालयले भुक्तानी रोकिदिनु भन्ने आसयको पत्र पठाएपछी भुक्तानी रोकिएको भण्डारीको भनाइ छ । तालिमको विषय अख्तियारमा गएकाले अख्तियारले किलेरिङ नगरी भुक्तानी दिन नसकिएको उप प्रमुख देवेन्द्र बर्माले बताए ।