प्यूठान महोत्सव २०७५ को अवसरमा आयोजित आवाजहरुको प्रतिष्पर्धा प्यूठान सिंगिङ आईडियलमा आज उत्कृष्ट पाँचमा परेका प्रतिष्पर्धीले प्रतिष्पर्धा गर्दैछन्।

वसन्त सागर भण्डारी, मनोज वैजाली, नरेश पुनमगर, पदम पुनमगर र दिपक पुनमगरले आज प्रतिष्पर्धा गर्दैछन्।

आज हुने प्रतिष्पर्धावाट एकजना वाहिरिएपछी भोलिदेखि भने दर्शकले समेत प्रतिष्पर्धीहरुको मुल्याँकन गर्न पाउनेछन्।

एक सय पुर्णँकमध्य ५० अंकको मुल्याँकन जजहरुले गर्नेछन भने ५० अंकको मुल्याँकन दर्शकको हातमा हुनेछ।

त्येक दर्शकले आफुलाई मन परेको एकजना प्रतिष्पर्धी छानेर मतदान गर्न पाउने आईडियल संयोजक वोम वहादुर परियारले वताए।

आईडियलको मुल्यांकन वरिष्ठ लोकलोहोरी गायक एवं लोक तथा दोहोरी गित प्रतिष्ठानका केन्द्रिय सदस्य वैकुण्ठ महत र प्रतिष्ठानका प्यूठान जिल्लाका सल्लाहकार यादव भण्डारीले गरिरहेका छन्।

प्यूठान आईडियल वन्नेले नगद पुरस्कार रु ३० हजार, अवार्ड र प्रमाणपत्र, द्धितियले नगद २० हजार अवार्ड र प्रमाणपत्र प्राप्त गर्नेछन्। तृतियले नगद रु १० हजार अवार्ड र प्रमाणपत्र प्राप्त गर्नेछन् भने सान्त्वना हुनेले नगद रु ५ हजार र प्रमाणपत्र पाउनेछन्।