News Portal

रेडियो सुन्नुहोस्

फेसबुकबाटै पत्ता लाग्ने धनी, गरिब

सिखबर संवाददाता
१४९९ पटक

फेसबुकले अब मानिसको आर्थिक अबस्थाको बारेमा थाहा पाउने प्रविधिको विकास गर्ने योजना सार्वजनिक गरेको छ ।जसबाट स्वचालित रुपमा फेसबुक प्रयोगकर्ताको सामाजिक आर्थिक अवस्थाको बारेमा जानकारी हुनेछ ।

त्यसको लगि प्याटेन्ट एप्लिकेशन पनि दर्ता गरेको छ । यो प्रविधिले सामाजिक सञ्जाल फेसबुक प्रयोगकर्ताको सामाजिक आर्थिक अवस्था पत्ता लगाउँदै उनीहरुलाई काम गर्ने वर्ग, मध्यम वर्ग वा उपल्लो वर्ग भनेरसमेत विभाजन गर्ने प्रविधिको प्याटेन्ट दर्ता गरेको हिन्दूस्तान टाइम्सले आफ्नो अनलाइन संस्करणमा लेखेको छ।

सामाजिक सञ्जालको बादशाह फेसबुकले दर्ता गरेको प्याटेन्टअनुसार, उसले फेसबुक प्रयोगकर्ताको सामाजिक आर्थिक स्तर पत्ता लगाउनका लागि प्रयोगकर्ताका व्यक्तिगत विवरण जस्तै शिक्षा, घर भए वा नभएको र इन्टरनेट प्रयोग जस्ता तथ्यांक संकलन गर्ने प्रविधिको विकास गर्न चाहेको शनिबार डेलीमेलले जनाएको छ ।

फेसबुकले यस्तो प्याटेन्ट शुक्रबार सार्वजनिक गरेको डेलीमेलले उद्धृत गरेको छ । उसले सार्वजनिक गरेको प्याटेन्टमा फेसबुक प्रयोगकर्तासमक्ष उचित विज्ञापन मात्रै पुगोस् भनेर लक्षित वर्गसम्म पुग्नका लागि एल्गोरिद्म नामक एउटा गणितीय प्रणालीको पनि विकास गरिनेछ।‘

अब फेसबुक प्रयोगकर्ताका सामाजिक आर्थिक स्तर पूर्वानुमान गरेर प्रायोजन गरिएको विज्ञापन लक्षित तेस्रो पक्षसम्म पु¥याउन विज्ञापनदातालाई सजिलो हुने छ,’ प्याटेन्टमा जनाइएको छ ।‘ यो प्रणालीको विकासले तेस्रो पक्षले प्रभावकारी ढंगले आफ्ना सामान र सेवाको विज्ञापन गर्न सक्छन् र अनलाइन प्रणालीले अनुभवी प्रयोगकर्ता माझ पुग्न सजिलो हुन्छ,’ शुक्रबार फेसबुकले जारी गरेको प्याटेन्टमा जनाइएको छ ।

फेसबुकले आफ्ना प्रयोगकर्तालाई सुरुमा उनीहरुको उमेर सोध्ने छ र त्यसपछि सोही उमेर समूहकालाई थप उचित प्रश्नहरु सोध्ने छ। ‘प्याटेन्टमा, २० देखि ३० वर्ष उमेर समूहका मानिसलाई कतिवटा इन्टरनेट डिभाइस प्रयोग गर्नुहुन्छ भनेर सोधिने छ भने ३० देखि ४० वर्ष उमेर समूहका मानिसलाई उनीहरुको आफ्नै घर छ कि छैन भनेर सोधिने छ,’ रिपोर्टमा जनाइएको छ ।

फेसबुकले आफ्ना प्रयोगकर्ताको सामाजिक आर्थिक अवस्था पत्ता लगाउन प्याटेन्ट दर्ता गरेको बताएपनि लक्षित समूहलाई मात्रै गरिन्छ वा सबैलाई भनेर प्रष्ट नबनाएको डेलीमेलले जनाएको छ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...