६ फागुन, प्यूठानमिलिनियम च्यालेञ्ज कर्पोरेसन(एमसिसि) सम्वन्धमा प्यूठानमा अन्तरक्रिया सम्पन्न भएको छ। सरकारको नेतृत्व गरिरहेको नेपाल कम्युनिष्ट पार्टी(नेकपा) मै शाझा धारणा वन्न नसकेको अवस्थामा जिल्लामा उक्त कार्यक्रम भएको हो।
हाम्रो एकता प्रकाशन गृह प्यूठानको आयोजनामा मंगरबार जुम्रीमा भएको नेपालको सन्दर्भमा मिलियन च्यालेन्ज कर्पोरेशन(एमसिसि) यथार्थता र आवश्यकता बिषय अन्तरक्रिया कार्यक्रममा आफ्नो प्रस्तुतीकरण राख्दै नेकपाका स्थायी समिति सदस्य लिलामणी पोख्रेलले एमसिसि अमेरिकी शैन्य रणनितीको अंश हुनसक्ने वताउनु भयो।
अर्को प्रसंगमा नेता पोख्रेलले भारतले पश्चिम लिपुलेखदेखी सुस्ता र पुर्वका केही भागमा समेत भारतले नेपालको सिमा अतिक्रमण गरेको वताउनु भयो।
हाम्रो एकता प्रकाशन गृहका सञ्चालक सुशील पोख्रेलको अध्यक्षतामा भएको कार्यक्रमको सञ्चालन पत्रकार महासंघका अध्यक्ष महाविर रानाले गर्नुभएको थियो। स्वागत मन्तव्य प्रकाशन गृहका प्रवन्धक टिकाराम पोख्रेलले राख्नुभएको थियो।
