चैत २५, रोल्पा समुदायमा आधारित रहेर निरन्तर सामाजिक सेवा गर्दै आइरहेको नमस्ते बिहानी यूवा क्लब गंगादेब गाउँपालिका वडा नं ६,७ जागरण महिला आमा समुह सौरेगैरा र दलित महिला आमा समुह खलाबोटले जनचेतनामुलक कार्यक्रम सहित साबुन बितरण गरेको छ ।
विश्वलाई नै आतंकित बनाई रहेको कोभिड-१९ कोरोना भाइरस बाट बच्न र बचाउने जनचेता सहित उक्त क्लब र आमा समूहले स्थानीयलाई साबुन वितरण गरेको हो ।
क्लबका अध्यक्ष दरिभान बि के रोल्पाली , सचिव दिल किरण परियार, कोषाध्यक्ष राजेन्द्र परियार र स्थानीय बुद्धिजीवी भिमराज ओली सहितको टोलौ जनताको घर – घरमा पुगि जनचेतनामूलक सन्देश दिएका छन अभियानमा दुबै आमा समुहका अध्यक्ष बिर्मा ओली, सचिव ललिता ओली र बैसमाली बि क ले पनि सहभागीता रहेकोे थियो ।
यूवा क्लव र आमा समूहको सक्रियतामा संचालन गरिएको सेवाबाट
१०९ घरधुरी लाभान्वित भएका छ्न । उक्त अभियानको जनताले स्वागतयोग्य भन्दै प्रशंसा गर्दै अब हामी सबैले साबुन पानीले राम्रो सङ्ग हात धोएर सरसफाई गर्दै कोरोना भाइरस बाट आफू पनि बच्ने र अरूलाई पनि बचाउने प्रतिबद्धता गरेका थिए ।
