जिल्लाका स्थानिय सरकारले निर्माण गरेको क्वारेन्टाइनमा बसेका २७ जना ब्यक्तिहरु शनिवार घर फर्किएका छन्। स्वास्थ्य कार्यालय प्यूठानको पलहमा Rapid Daignostic Test (RDT) को माध्यमबाट कोरोना परिक्षण गरी रिपोर्ट नेगेटिभ आएपछि क्वारेन्टाइनमा बसेकाहरु घर फर्किएका हुन्।
ऐरावति गाउँपालिका मोति माध्यमिक बिद्यालयमा निर्माण गरिएको क्वारेन्टाइनमा बस्दै आएका १६ जना र स्वर्गद्धारी नगरपालिका ६ झुपाकोटमा बस्दैआएका ११ जना गरि २७ जनामा कोरोना भाइरस नेगेटिभ देखिएपछि उनीहरुलाई घर पठाईएको स्वास्थ्य कार्यालय प्यूठानका प्रमुख बिशाल सुवेदीले बताउनुभयो। उहाँले क्वारेन्टाइनबाट घर फर्किएकाहरुलाई अनुशासन तबरले घरमै बस्न आग्रह गर्नुभयो। समुदायमा कोहि पहिचान नभएका कोरोना संक्रमित बिरामी पनि हुन सक्ने भन्दै सुवेदीले भने–“ घर फर्किएर पनि घरमै सेल्फ क्वारेन्टाइनमा बस्नुपर्छ।”
प्यूठानका तिन स्थानिय तह ऐरावति गाउँपालिका , माण्डवी गाउँपालिका र स्वर्गद्धारी नगरपालिकामा रहेका ८६ जना मध्ये २७ जना घर फर्किएको स्वास्थ्य कार्यालय प्यूठानका बिपद ब्यवस्थापन फोकल प्रसन पुष्कल श्रेष्ठले बताउनुभो। क्वारेन्टाइनमा बसेकाहरुको तालिम प्राप्त अनुभवी ल्याब टेक्निसियन डोर बहादुर खड्काको टोलिले गर्नुभएको छ।
अन्यको पनि परिक्षण गर्ने र यदि नेगेटिभ आएमा घर फर्काइनेछ। यदि (RDT) रिर्पोट पोजेटिभ आएमा कोरोना भाइरस भएको वा नभएको पुष्टि अझैपनि यकिन गर्न सकिने अवस्था रहदैन्। यसको बिरामीलाई क्वारेन्टाइनमा राखेर (VTM) भ्याक्सिन ट्रान्र्सफोटेशन मिडिया मार्फत चेकजाँच गर्नुपर्छ। जिल्लामा स्वास्थ्य कार्यालयका ७ जना र जिल्ला अस्पतालमा आइसोलेशनमा राखेका २ जना गरि ९ जनामै रिपोर्ट निगेटिभ आएको हो।