News Portal

रेडियो सुन्नुहोस्

पिपिई जुटाउँदै दिनरात खटिन्छन् प्यूठान अस्पतालका स्वास्थ्यकर्मी

सिखबर संवाददाता३ वैशाख प्यूठान
६९१ पटक
३ वैशाख प्यूठान

प्यूठान जिल्ला अस्पताल बिजुवारमा कार्यरत चिकित्सक तथा स्वास्थ्यकर्मीहरु अहिले बिरामी हेरचाहका लागि रातदिन खटिएर काम गरेका छन्।
कोरोना संक्रमणको विश्वब्यापी सन्त्रासका बिच पनि उनीहरु सेवाका लागि रातदिन खटिएका छन्। उनीहरुले सुरक्षाका लागि स्थानिय स्तरमा आफैले बनाएको पिपिईको प्रयोग गरेर अहिले सेवा दिईरहेका छन्।ब्यक्तिगत सुरक्षा सामग्री (पिपिई) नहुँदा डर लाग्ने हुन्थ्यो तर अहिले पिपिई छन् ओपिडिमा रहेका मेडिकल अधिकृत डा. क्षितिज नेपालीले भने–“ सुरक्षा सामग्रीको प्रयोग गरेर हामीले सेवा दिईरहेका छौ अहिले हामीले आफैले निर्माण गरेका पिपिई प्रयोग गरेका छौंं,यो हाम्रो धर्म र दायित्व पनि हो , गुणस्तरिय पिपिईको अभाव छ।”
ओपिडिमा बिरामीहरुको चेकजाँच गरिरहेका डा. नेपालीले जिल्लामा आजसम्म प्रभावकारी ब्यक्तिगत सुरक्षा सामग्री (पिपिई) नभएको गुनासो समेत गरे।
अस्पतालमा कार्यरत नर्सिङ अधिकृत राधा के.सीले अन्य समयमा भन्दा बढि डेलिभेरीका बिरामीहरु आउने गरेको भन्दै ब्यक्तिगत सुरक्षा सामग्री( पिपिई) को अभावले गर्दाले आफुहरुलाई सेवा दिदा त्रास महसुस हुने बताईन्। यस्तो संकटमा राज्यले स्वास्थ्यकर्मीका लागि सुरक्षा सामग्री प्रर्याप्त मात्रामा उपलब्ध गराउनुपर्ने भन्दै अस्पतालको नर्सिङ इन्चार्ज समेत रहेकी के.सीले भनिन्–“ स्थानिय रुपमा सिलाएका सामग्री भन्दा पनि राम्रो गुणस्तरिय पिपिई भएको भए अझ सहजिलो हुन्थ्यो।” उनले सेवा नै धर्म हो भन्ने मनोभावनाले काम गरिरहेको बताउनुभयो। आफुहरुको सुरक्षामा पनि सरकारले ध्यान दिएमा रातदिन खटेर भएपनि ढुक्कका साथ काम गर्ने वातावरण सिर्जना हुने के.सीको भनाई छ। के.सीका अनुसार शल्यक्रिया सेवा समेत प्रदान हुने जिल्ला अस्पताल बिजुवारमा अहिले दैनिक जसो ५ देखि ७ जना सुत्केरी हुने गरेका छन्।
लकडाउनको समयमा जिल्ला अस्पताल बिजुवारमा अहिले दैनिकजसो ४०÷४५ जना बिरामीहरु आउने गर्छन् भने ति मध्ये २ देखि ४ जनासम्म मात्र रुघाखोकी तथा ज्वरोका बिरामी आउने गरेको अस्पतालका सुचना अधिकृत राजन घिमिरेले जानकारी दिए।
श्रोत र साधनको अभावको बीचमा सेवा दिने प्रयास गरिरहेको जिल्ल्ला अस्पताल प्यूठानका प्रमुख डा. अमृत पन्थी बताउँछन्। डा. पन्थीले रुघाखोकी र ज्वरोका बिरामीको उपचारको लागि छुट्टै कक्ष बनाएर सेवा दिइरहेको भन्दै यस्ता बिरामीको चेकजाँच र औषधी समेत निशुल्क उपलब्ध गराईएको जानकारी दिए । कोेरोना भाइरससंग मिल्ने लक्षण देखिए र आशंका लागेमा उपचारको लागि चार वटा आइसोलेसन बेड तयार गरिएको उनको भनाई छ ।
दिर्घरोगीहरुका लागि घरबाटै सिधै डाक्टरहरुसंग परामर्श गर्नका लागि जिल्ला अस्पताल प्यूठानले १६६०८६४२६४३ नम्बर रहेको टोल फ्रि को व्यवस्था समेत गरेको छ।

प्रतिकृया दिनुहोस्

आजको राशिफल २०८१ श्रावण ६ आइतवार

 मेष विद्या र बुद्धिको विकास हुनेछ । नयाँनयाँ ज्ञान सिक्ने मौका मिल्नेछ । कार्यसिद्धि हुने...

कांग्रेसको संसदीय दलको बैठक आइतबार बस्ने

नेपाली कांग्रेसले संसदीय दलको बैठक आइतबारका लागि बोलाएको छ । बैठक आइतबार मध्याह्न १२ बजे...

आगामी निर्वाचनमा माओवादीसंग दुवै दलले गठबन्धन नगर्ने  सर्तमा नयाँ गठबन्धन बन्यो: पोखरेल

नेकपा एमालेका वरिष्ठ उपाध्यक्ष ईश्वर पोखरेलले आगामी निर्वाचनमा माओवादीलाई साथ नलिने सर्तमा कांग्रेस-एमालेको गठबन्धन बनेको...

त्रिशूली दुर्घटनामा बेपत्ता बस र शव खोज्न यन्त्रसहित भारतिय टोलि खटाइयो

सिमलतालमा असार २८ गते पहिरोले बगाएर त्रिशूलीमा बेपत्ता भएका बस र शव खोजीका लागि भारतीय...

आजको राशिफल: २०८१ श्रावण ०५ शनिवार

मेष : आज रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । लामो समयदेखि...