प्यूठान, प्रेस संगठन नेपाल जिल्ला शाखा प्यूठानले लकडाउनका बेला स्थानिय सरकारले वितरण गरिरहेको राहतलाई वास्तविक पिडितले पाउने गरि वितरण गर्न आग्रह गरेको छ।
संयोजक नोमराज पौडेलद्धारा हस्ताक्षरित बिज्ञप्तीमा राहत वितरण न्यायोचित र वास्तविक पिडित सम्म पुग्ने वातावरण तयार गरि वितरण गर्न आग्रह गरेको छ। साथै राहत वितरण गर्दा स्थानिय सरकारले अन्य सरोकारवाला निकाय संग समन्वय गर्न अपिल गरिएको छ।
स्थानिय सरकाले सुचनालाई एकद्धार प्रणालीबाट सम्प्रेषण गरि पत्रकारहरुलाई छिटो छरितो रुपमा सुुचना पाउने वातावरण मिलाउन समेत बिज्ञप्ती मार्फत आग्रह गरिएको छ।
जिल्लाका पत्रकारहरुलाई लकडाउनका बेला समाचार सम्प्रेषण र लेखनमा कुनै समस्या आएमा संगठनले समाधान गर्न पहल गर्ने र खाना बस्न वा अन्य कुनै समस्या परेमा समाधान गर्ने भन्दै पत्रकारहरुलाई निर्धक्कका साथ सुरक्षित भएर कलम चलाउन आग्रह गरेको छ।
बिज्ञप्ती मार्फत नागरिकको लागि खटेर सुचना प्रवाह गर्ने सम्पुर्ण जिल्लाका श्रमजीवी पत्रकारहरुलाई धन्यबाद दिएको छ। साथै पत्रकारिताका आधारभूत मान्यतालाई आत्मसाथ गर्दै सत्य तथ्य बिषयलाई अझै प्रभावकारी रुपमा प्रस्तुत गरि नागरिकको पहरेदारको रुपमा स्थापित हुन आग्रह गरिएको छ। संगठनले पत्रकारहरुलाई आर्थिक समस्या पर्न सक्ने तर्फ सचेत बनाउँदै समयमै तलव दिन मिडिया संचालकहरुलाई आग्रह गरेको छ।