कोरोना भाईरस संक्रमणवाट वच्न नौवहिनी गाउँपालीका वर्डा नं ८ ले घर घरमा सावुनसहित जनचेतनामुलक अभियानको थालनी गरेको छ। व्याक्तिगत तथा पारिवारीक सरसफाई गर्दै सामाजिक दुरी कायम गरेमा कोरोना संक्रमणवाट वच्न सकिने भएकाले जनचेतना अभिवृद्घीका लागि अभियान सञ्चालन गरिएको वडाअध्यक्ष अोविराम विक ले वताउनु भयो।

आइतवार साविकका १ र २ वडावाट सुरु गरिएको सावुन वितरण सहित जनचेतनामुलक कार्यक्रम सोमवार वडाका वाकी भागमा गरिने वडाअध्यक्ष विक ले वताउनु भयो।

टोल टोलवाट प्रतिनिधित्व हुनेगरी सर्वदलिय-सर्वपक्षिय समिती गठन गरि समितिका सदस्यहरुमार्फत जनचेतना फैलाउने अभियान थालिएको हो। “लकडाउनको पालना गर्दै टोल टोलमा रहनुभएका समितिका सदस्यहरु मार्फत सावुन सहित कोरोनावाट वच्च अपनाउनुपर्ने सतर्कता सम्वन्धी सन्देश प्रवाह गर्नेछौ।” वडाअध्यक्ष विक ले भन्नुभयो- “एक टोलवाट अर्को टोलमा जान नपर्नेगरी अभियानको संरचना वनाईएको छ।”

वर्डामा वर्डाअध्यक्षको नेतृत्वमा सवै राजनीतिक दल, पत्रकार, वुद्घीजिवी, शिक्षाप्रेमी सम्मेलित समिती गठन गरिएको छ। त्यस्तै साविकको गाविसका वर्डाहरुमा पनि निर्वाचित जनप्रतिनिधीको नेतृत्वमा सवै टोल, दल र पक्ष समावेस हुनेगरी सर्वपक्षिय समिती गठन गरिएको छ। सोही समितीमार्फत जनचेतना अभिवृद्घीको अभियान सञ्चालन गरिने वर्डा नं ८ वाट निर्वाचित नौवहिनी गाउँ कार्यपालिका सदस्य तारा विक ले जानकारी दिनुभयो।